Gajar-ka-Halwa-Recipe
Gajar-ka-Halwa-Recipe

Gajracha Halwa Marathi Recipe : गाजराचा हलवा सगळ्यांच्या आवडीचा असतो.त्याच बरोबर तो बनवायलाही सोपा असतो. खायला चविष्ट लागतो. गाजराचा हलवा शरीरासाठी खूप पौष्टिक असतो.आज आपण गाजराचा हलवा कसा बनवायचा ते बगूया.

गाजराचा हलवा बनवण्यासाठी लागणारे साहित्य खालीलप्रमाणे आहेत.

गाजराचा हलवा सोपी पाककृती :Gajracha Halwa Marathi Recipe

साहित्य :

  • 1 किलो लाल गाजरे
  • अर्धा लिटर दूध
  • 2 वाट्या साखर
  • 4-5 वेलदोड्याची पूड
  • बेदाणे
  • 5-6 काजूचे बारीक तुकडे
  • 2 टेबलस्पून साजूक तूप
  • खवा

कृती :-

  1. प्रथम गाजर स्वच्छ धुवून साल सोलून घ्यावीत व बारीक किसणीवर किसून घ्यावीत.
  2. गाजराच्या किसात सर्व दूध एकदम घालू नये.कीस शिजवताना दर वाफेला अर्धा कप दूध घालून ढवळावे. दूध आटेपर्यंत ढवळावे म्हणजे गाजराचा कीस मऊ शिजतो.
  3. दूध आटल्यावर 2 वाट्या साखर घालावी व परत सुकेपर्यंत ढवळावे.
  4. हलवा साखर विरघळून कोरडा झाला की 2 टेबलस्पून साजूक तूप पातेल्यात सर्व बाजूनी सोडावे व सर्व हलवा तुपावर खमंग परतावा.
  5. हलवा मध्ये वेलदोडे पूड, बेदाणे व काजूचे तुकडे घालून परत परतून घ्यावे आणि पातेले खाली उतरावे.
  6. गरम खायला द्यावेत.

टीप :-

  1. गाजराचा कीस आधी तुपावर परतू नये .दुधात शिजवल्याने त्याचा नैसर्गिक रंग कायम राहतो व हलवा जास्त चविस्ट होतो.
  2. नंतर तूप घालून परतल्याने हलवा खमंग लागतो.

LEAVE A REPLY

Please enter your comment!
Please enter your name here