Bread Pakoda Recipe in Marathi
Bread Pakoda Recipe in Marathi

साहित्य :-

  • ८ ब्रेड स्लाईस
  • ३-४ मध्यम बटाटे
  • १ कप बेसन
  • १ कप पाणी
  • १/२ टीस्पून हळद
  • १/२ टीस्पून जिरे
  • १ टीस्पून तिखट
  • चिमुटभर खायचा सोडा
  • मीठ
  • कढीपत्ता
  • २-३ हिरव्या मिरच्या
  • कोथिंबीर
  • आलं लसुन पेस्ट
  • तळण्यासाठी तेल

कृती :-

  1. बटाटे शिजवल्यावर लगेचच भाजी बनवावी म्हणजे बटाटे चांगल्याप्रकारे मॅश होतात. किवा बटाटे सुरीने खूप बारीक कापावेत.
  2. बटाट्याची भाजी करतेवेळी एका कढईत थोडे तेल घालून त्यात जिरे, बारीक चिरलेली मिरची, कढीपत्ता, आलं लसुन पेस्ट घालून परतावे.नंतर त्यातमध्ये थोडी हळद, व मीठ घालून परतावे.नंतर त्यात बारीक चिरलेले बटाटे घालून आणि बारीक चिरलेली कोंथिबीर घालून परतावे.
  3. एका बाऊल मध्ये बेसन घेऊन त्यात हळद,तिखट, जिरे, मीठ, खायचा सोडा, आलं लसुन पेस्ट, बारीक चिरलेली कोंथिबीर, आणि पाणी घालून पीठ भिजवावे.हे पीठ पातळ ही नसावे आणि एकदम घट्ट सुद्धा नसावे.
  4. एक ब्रेडचा स्लाईस घेऊन त्यावर सुरीने त्रिकोणी आकाराचे तुकडे करावेत. नंतर एक ब्रेडचा स्लाईस घेऊन त्यावर २ ते ३ चमचे भाजी एकसमान पसरावी .त्यावर दुसरा ब्रेड स्लाईस ठेवावा.
  5. तळण्यासाठी तेल गरम करत ठेवावे. बटाटा भाजी घातलेली ब्रेडचे तुकडे भिजवलेल्या पिठात घोळवून मिडीयम हाय गॅसवर गोल्डन रंगावर तळून घ्यावेत.
  6. सर्व्ह करताना पुदिना चटणी,किवा टोमॅटो केचपबरोबर द्यावे.

टिप्स :-

  1. बटाट्याची भाजी उरली असेल तर या पिठात भाजी घालून भजीप्रमाणेच तळाव्यात.
  2. जर प्लेन पकोडे बनवायचे असतील तर बटाट्याची भाजी करू नये फक्त ब्रेडचे कापलेले तुकडे भिजवलेल्या पिठात बुडवून नेहमी सारखे तळावे.

LEAVE A REPLY

Please enter your comment!
Please enter your name here